Ardit Bexheti, solisti i njohur nga Gostivari, kohët e fundit publikoi mega-hitin e tij “Pikë në zemër”, bashkëpunuar me këngëtaren nga Shkodra, Albana Mesuli. Për këtë dhe shumë tjera ju ftojmë të lexoni intervistën e realizuar enkas nga gazetarët tanë në TeksteSHQIP.com Teksteshqip: Ardit, kohët e fundit keni filluar të merreni vrullshëm me muzikën. Na thoni nga kur keni filluar të këndoni? Ardit Bexheti: Unë muzikën e kam traditë familjare, ku në ndërkohë që i vogël kam kënduar bashkë me babain. Por, ishte diku viti 2008 ku më veçse iu përvesha punës për të realizuar projektet e mia personale.



Teksteshqip: Projekti juaj i fundit ishte "Pikë në zemër", një videoklip nga MusicalTv. Na trego pak më shumë rreth këtij projekti... Ardit Bexheti: Projekti i fundit është një bashkëpunim me këngëtaren nga Shqipëria, Albana Mesuli. Vërtet ka qenë një projekt i suksesshëm, ku kemi marrë pjesë edhe në Festivalin “Çelësi muzikor”, dhe morëm çmimin “Dueti më i mirë”. Pas festivalit realizuam videoklipin në bashkëpunim me MusicalTv. Teksteshqip: Ardit, sa jeni i angazhuar nëpër koncerte dhe mbrëmje? Ardit Bexheti: Të them të drejtën, jam tepër i angazhuar nëpër koncerte dhe ahengje të tjera familjare.



TeksteShqip: Na e përshkruani një ditë nga jeta jote private? Ardit Bexheti: Po, si zakonisht, zgjohem prej gjumit, më pas pi kafen e mëngjesit me shoqërinë e ngushtë, pastaj, pasdite mundohem të gjej kohë për ushtrime fizike, ndërsa në mbrëmje ushtroj me orkester për të realizuar projekte të reja, e kështu me radhë… TeksteShqip: Ardit, ke menduar të realizosh ndonjë album? Ardit Bexheti: Po, sapo kam realizuar një album me këngë të lehta të cilat i kemi përpunuar me orkestrin. Edhe pak ka ngelur deri në editimin e këtij albumi! Teksteshqip: Veç albumit, a do të presin fansat projekt (klip) të ri së shpejti ? Ardit Bexheti: Tash për tash do ta lë këngën duet që e kam me Albanën. Me patjetër që do ketë shumë gjëra të reja në të ardhmen. Teksteshqip: Ardit, ne të falenderojmë që gjete kohë të ndash me fansat dhe portalin tonë për planet e tua dhe jetën private. Çfarë do t’u thuash fansave dhe publikut ? Ardit Bexheti: Falimenderit portalit tuaj që më përkrahni, jam tepër krenar që jam pjesë e këtij portali të shkëlqyer. Adhuruesve ju them që çdo herë do të kenë risi e do të mundohem të përmbush çdo kërkesë që kanë për këngën që unë këndoj. Të gjitha të rejat që do vijnë nga unë do jenë në shkrimet e këtij portali…