Dj Blunt dhe Real 1 janë ndarë dhe nuk do të bashkëpunojnë me njëri-tjetrin. Kështu së paku kanë raportuar mediat shqiptare. Por Dj Blunt konfirmon për Opinion. al se këto lajme nuk janë aspak të vërteta. "Nuk jemi ndarë përkundrazi jemi duke punuar për këngët e reja. Së shpejti del dhe klipi i ri me Real 1, sigurisht (qesh)", thotë Dj Blunt. Dj Blunt dhe Real 1 bashkëpunojnë prej më shumë se 15 vitesh dhe kanë në repertorin e tyre një sërë këngësh e bashkëpunimesh, që janë kthyer në hite dhe që pëlqehen shumë nga publiku shqiptar.