Ajo ka marrë pjesë në shumë konkurse muzikore prej të cilave shpesh ka dalë me çmime të para. Muzika është bërë pjesë e jetës së saj në forma të ndryshme. Fillimisht ajo ka studiuar violinë, por më pas kuptoi se gjithçka donte të bënte ishte vetëm të këndonte, arsye pse është angazhuar sa herë ka patur mundësinë. Përpos karrierrës muzikore ajo ëndërron dhe një të ardhme si veterinere që i rrjedh nga dashuria e saj për kafshët.

Eksperiencat e Martina Serreqit në organizimet dhe festivalet kombëtare dhe ndërkombëtare janë të shumta. Në maj 2019, fituese e çmimit Pavlina Nika në Festivalin Mbarëkombëtar "Jorgjia Truja" në Tiranë. Çmimi i tretë në 2020-ën në International Music Festival. Çmimi i Parë në Konkursin Muzikor Ndërkombëtar në Fasano, Itali. Gjithashtu Martina ka marrë pjesë në Festivalin "Lule Borë" në 2020-ën në Shkodër dhe në "Këngë Moj" në Vizion Plus. Ajo punon në Rtsh Shkodra si zëdhënëse e Edicionit Informativ të Lajmeve si dhe në Radio me emisionin "Kenga Juaj".