Këto ditë është bërë promovimi i këngës dhe video-klipit të ri me titull "E di që ka më mirë" të këngëtarit Gazmend Mehmeti. Kënga është rezultat i një bashkëpunimi të fuqishëm mes kompozitorit Florent Boshnjaku dhe Arsim Bunjakut, i cili e ka shkruar tekstin e kësaj kënge. Video-klipi është bërë nga produksioni 'Think Creative', ndërsa kënga është ritmike, e stilit 'dance' ballkanas. Të pranishëm në promovim në një lokal të Prishtinës ishin edhe shumë miq dhe kolegë këngëtarë të Gazmendit. Videoja ka marrë shumë pëlqime edhe në internet.