Sardi u bë i njohur për publikun për herë të parë në vitin 2012, me pjesëmarrjen e tij në “X Factor Albania” ku u bë pjesë e finalistëve dhe spikati për veçorinë e vokalit dhe interpretimin e tij unik. Ka publikuar disa projekte muzikore, në bashkëpunime me producentë dhe artistë si Arno, Killua dhe Luar; të cilat kanë qenë mjaft të suksesshme, duke krijuar afeksion tek dëgjuesit. Një tjetër krijim mjaft origjinal ishte ai i vitit 2020, ku Sardi vjen me një mesazh të fortë me këngën “Pushtet”, ku pjesë e videos së këngës ishte aktori Artan Imami. Në dhjetor të vitit 2020 Sardi ka fituar vendin e dytë në “Festivali i Këngës” me këngën “Ka me t’ba me kajt”.

Në vitin 2011 Sardi vetëm 16 vjeç ka marrë pjësë me grupin e atëhershëm, Cyberhand në Këngën Magjike, ku kualifikohen në gjysëmfinale. Kënga e shkruar dhe kompozuar nga Bojken Lako.

Në vitin 2012, Sardi Strugaj merr pjesë në X Factor Albania 2.

Më datë 30 Korrik 2013, Sardi publikon videoklipin "Më Shikon Nga Lart". Me këtë këngë, Sardi merr pjesë në Netët E Klipit Shqiptar 13 në vitin 2014. Vetë Sardi ka thënë për këtë këngë: "Kjo ishte kënga e parë që nxorra dhe pati sukses, sepse ishte këngë e sinqertë. E di që shumë prej jush e gjejnë veten te kjo këngë, ja dedikojnë një personi të zemrës që fizikisht e kanë humbur, por tingujt e jetës së tyre vazhdojnë muzikën në zemrën dhe mendjen tonë. Se kështu ndodh, njerëzit që humbasim, nuk i kemi më fizikisht, por në shpirt do jenë me ne gjithmonë. Pak a shumë si kjo këngë, pavarësisht se jam rritur dhe kur shoh videon, kuptoj që kam ndryshuar shumë. Kjo do mbetet kënga që më jep më shumë emocion nga të gjitha".

Në Nëntor 2013, Sardi merr pjesë në Kënga Magjike 2013 me këngën "Sa Larg", ku kualifikohet në gjysëmfinale.

Më datë 12 Qershor 2015, Sardi publikon videoklipin "Tripa Me Qika".

Në Shtator 2015, Sardi merr pjesë në Kënga Magjike 2015 me këngën "Nuk Harroj", ku kualifikohet në gjysëmfinale.

Më datë 15 Korrik 2017, Sardi publikon videoklipin "Dy Ne Njo". Muzika e këngës u punua nga Irkenc Hyka, teksti u shkrua nga vetë Sardi.

Më datë 2 Mars 2019, Arnon publikon videoklipin "E Pash Une Djallin", në bashkëpunim me Sardin. Muzika e këngës u punua nga Arnon, ndërsa teksti u shkrua nga Killua. Produksioni audio u realizua nga Arnon.

Më datë 14 Tetor 2019, Sardi publikon videoklipin "Hana", në bashkëpunim me Killuën.

Më datë 22 Maj 2020, Sardi Strugaj publikon videoklipin "Pushtet". Muzika dhe teksti i këngës janë punuar nga Sardi Strugaj. Klipi publikohet në një moment kritik për situatën politike në Shqipëri, ku vetë mesazhi i këngës por edhe pjesëmarrja në klip e aktorit të famshëm Artan Imami ka ngjallur jo pak kureshtje dhe ka tërhequr vëmendjen e publikut dhe shumë mediave sociale.

Më datë 12 Qershor 2020, Edessa & Sardi publikojnë videoklipin "Hana (Remix)".

Më datë 16 Dhjetor 2020, Sardi publikon videoklipin "Sytë". Teksti i këngës u shkrua nga Sardi Strugaj.

Në Dhjetor 2020, Sardi Strugaj merr pjesë në Festivali I 59-Të Në Rtsh me këngën "Kam Me T’Ba Me Kajt".

Në Qershor 2021, Sardi merr pjesë në Netët E Klipit Shqiptar 21 me këngën "Sytë".

Më datë 17 Qershor 2021, Sardi publikon videoklipin "Shpëtimtar", në bashkëpunim me Arnon. Teksti i këngës u shkrua nga Killua. Produksioni audio u realizua nga Arnon.

Më datë 10 Dhjetor 2021, Sardi Strugaj publikon videoklipin "A Ja Thash". Teksti i këngës u shkrua nga Sardi Strugaj.

Më datë 1 Korrik 2022, Luar publikon videoklipin "Vec I Imi", në bashkëpunim me Sardin. Kënga vjen e realizuar në bashkëpunim, ku Luar & Sardi Strugaj kanë realizuar bashkë muzikën, ndërsa për tekstin e kësaj kënge janë kujdesur Sardi Strugaj & Luar.

Më datë 19 Gusht 2022, Arnon & Sardi Strugaj publikojnë videoklipin "Ajo S'do Normale". Kënga vjen e realizuar në bashkëpunim, ku Sardi Strugaj & Arnon kanë realizuar bashkë muzikën dhe tekstin e kësaj kënge.

Në Shtator 2022, Sardi Strugaj merr pjesë në Kënga Magjike 2022 me këngën "Do Shihna Prap".

Më datë 23 Maj 2023, Sardi publikon videoklipin "Te Ana". Muzika dhe teksti i këngës janë punuar nga vetë Sardi Strugaj.

Më datë 16 Qershor 2023, Sardi publikon videoklipin "Kujtom Mu". Teksti i këngës u shkrua nga vetë Sardi Strugaj.

Më datë 20 Shtator 2023, Sardi Strugaj & Marsela Çibukaj publikojnë videoklipin "Deti". Teksti i këngës u shkrua nga vetë Sardi Strugaj.

Më datë 5 Janar 2024, Sardi Strugaj publikon videoklipin "Boshatisur". Muzika dhe teksti i këngës janë punuar nga vetë Sardi Strugaj. Videoklipi u prodhua nga kompania Fullmoon Production.

Më datë 31 Janar 2024, Sardi Strugaj publikon videoklipin "Ndoshta Ti Je Mirë". Muzika dhe teksti i këngës janë punuar nga vetë Sardi Strugaj. Videoklipi u prodhua nga kompania Fullmoon Production.

---