Nerimane Kamberi lindi në Preshevë më 1967 dhe jetoi në Belgjikë deri në moshën 20 vjeçare. Atje kreu shkollën fillore, të mesmen dhe dy vite të studimeve universitare. Studimet i përfundoi në Universitetin e Prishtinës, Fakultetin Filologjik ku edhe doktoroi me temën: “Kritika franceze për Ismail Kadarenë”. Profesoreshë e Qytetërimit, Përkthimit dhe Letërsisë frënge/frankofone në Universitetin e Prishtinës, Kamberi është edhe gazetare, përkthyese dhe shkrimtare. ​Kamberi është fituese e çmimit Hivzi Sylejmani për librin më të mirë për të rinj në vitin 1989 dhe është dekoruar nga shteti francez me medaljen L’Ordre des Palmes académiques (Urdhër i Palmëve Akademike), në vitin 2019. Organizatore e shumë aktiviteteve frankofone dhe konferencave ndërkombëtare, ajo aktualisht është kryetare e Shoqatës së Profesorëve të Frëngjishtës ndërkaq kontribuon në shumë gazeta të përditshme vendore dhe ndërkombëtare dhe revista letrare dhe kulturore. ​Deri më 1990 botoi romanet për fëmijë “Anjesa dhe doktor Simoni” 1984 dhe “Anjesa dhe shtatë pikturat” 1988.

Nerimane Kamberi ka përfunduar studimet në Universitetin e Prishtinës, Fakultetin Filologjik ku edhe ka doktoruar me temën: “Kritika franceze për Ismail Kadarenë”. Profesoreshë e Qytetërimit dhe Letërsisë frënge në Universitetin e Prishtinës, Kamberi është edhe gazetare, përkthyese dhe poete. Ajo është dekoruar nga Shteti francez me medaljen “Urdhër i Palmëve Akademike” 2019, dhe është fituese e çmimit Hivzi Sylejmani për librin më të mirë për të rinj në vitin 1989. Kamberi ka shërbyer si anëtare e jurisë letrare në Universitetin e Lozanës ( Universitë de Lausanne ) dhe ISEAL (Instituti i Studimeve Shqiptare ), në Alliance française de Pristina/Aleanca franceze e Prishtinës dhe në Ministrinë e Kulturës të Republikës së Kosovës në një varg aktivitetesh letrare. Ajo ka qenë edhe organizatore e shumë aktiviteteve frankofone dhe konferencave ndërkombëtare dhe aktualisht është kryetare e Espace Culturel Français (Qendra kulturore franceze) ndërkaq kontribuon në shumë gazeta të përditshme dhe revista letrare dhe kulturore. Ka botuar librat: Hoteli Grand dhe reportazhe tjera/L’Hôtel Grand et autres reportages (libër për gazetari/Përmbledhje reportazhe dhe intervista) Botimet Koha/ Prishtinë 2019; Ville des Pachas, Bazar Ottomans des Balkans, Non-Lieu, Paris, France 2009; Agnès et le Docteur Simon – Anjesa dhe doktor Simoni, roman për të rinj Edition Dejaie, -Belgique) Rilindja, 1983; Anjesa dhe shtatë pikturat roman për të rinj, Rilindja 1988; Blue-Xhinet e grisur, përmbledhje poezish Rilindja 1991; Një ditë ndoshta, përmbledhje tregime të shkurtra, Pen Qendra, 2006.