Karriera muzikore e tij nisi në edicionin e katërt të Tirana Art Fest, ku u vlerësua me çmimin “Artisti i ri më i mirë”. Në vitin pasardhës fitoi çmimin “Vokali më i mirë mashkull” dhe sërish një vit më vonë fitues i vendit të tretë. Ka performuar në disa festivale muzikore, mundësuar nga Bojken Lako dhe Gjergj Leka. Performues në “Tirana Youth Capital” dhe në disa formate muzikore televizive. Me cilësitë e veçanta vokale, vlerësuar edhe nga një juri ndërkombëtare, Martini ishte një prej 4 finalistëve të formatit muzikor “Mam, po ti!?”, në programin “E Diela Shqiptare” në TV Klan. Ai është një nga zërat më të bukur të të rinjve të Tiranës.

Më datë 19 Tetor 2020, Martin publikon videoklipin "Want Me Back". Një këngë kjo e kompozuar nga Roni dhe orkestruar nga Andi Lazaj. Me këtë këngë, ai merr pjesë në edicionin e parë të Bulza Festival.

Në Qershor 2021, Martin merr pjesë në Netët E Klipit Shqiptar 21 me këngën "Want Me Back".

Në Nëntor 2022, Martin Pano merr pjesë në Kënga Magjike 2022 me këngën "Një Si Ti".

Më datë 17 Shtator 2023, Martin Pano publikon videoklipin "Isabel". Muzika dhe orkestrimi i kësaj kënge, vijnë të realizuara në bashkëpunim nga Alban Kondi & Fabian Basha, ndërsa për tekstin janë kujdesur Alban Kondi & Martin Pano. Produksioni audio u realizua nga Alban Kondi & Fabian Basha.

Më datë 20 Mars 2024, Martin Pano publikon videoklipin "Harroj". Produksioni audio u realizua nga Tull Production.

---