Besonte se Big brother do t'i ndryshonte jeten dhe ne te vertete ashtu ndodhi. Nga mesuese ne nje fshat te vogel te Kavajes Adela sot punon ne nje nga redaksite me prestigjioze te shtypit te shkruar ne Tirane. Dhe jo pak por gazetare e redaktore. Elokuenca e saj spikati qysh gjate BB2 ku ajo mori pjese por aftesine ne te shkruar e kishte pasion dhe e deshmoi duke shkruar nje rubrike me keshilla ne nje gazete te perjavshme. "Me pelqen shume gazetaria,- thote Adela, si ajo televizive ashtu edhe shtypi i shkruar. Por ndersa televizioni me jep dhe emocione, te shkruaj me pelqen me shume jam me praktike. E kam pak te lindur, pak nga puna si mesuese dhe te them te drejten kur me besuan ne fillim nje rubrike te perjavshme m'u duk sikur nuk do te isha e afte ta realizoja cdo jave por e kuptova qe ia dola mbane dhe tani ndihem shume mire, sidomos ne punen e re qe kam nisur". Dhe nuk eshte vetem shtypi i shkruar. Adela se bashku me Bjordin do te fillojne edhe kete sezon te prezantojne dhe te drejtojne programin ne fan Club "Dancing with the stars" qe behet ne Vizion plus, i cili nis se shpejti. "Nuk mund ta fsheh qe televizioni me pelqen dhe ne kete format tashme u be edicioni i trete e si te thuash ndihem shume me mire se eksperienca ka rendesine e saj.Pervec kesaj formati i fan Clubit te krijon kontakte dhe njohje te reja. Per me teper qe aty kerkon te japesh emocionet e konkurrenteve si dhe veshtiresite apo pershtypjet e tyre per kercimin. Me kujton shpesh Big Brotherin dhe kjo me ben shpesh te qesh me veten". E kujton me nostalgji ate pjese kur gjithe Shqiperia ndiqte me emocion historine e saj familjare personale por edhe raportin e dashurise qe lindi aty brenda me djalin nga Durresi qe ishte rritur ne Itali. Shume u perloten, shume ishin skeptike qe kjo lidhje do te funksiononte sepse dukej sikur po bashkoheshin dy bote te ndryshme qe nuk kishin asnje lidhje me njera tjetren. Por ja qe sot ata vazhdojne te jetojne ende bashke. "Nuk e kam patur shume te lehte per pune. Por mund te them se kam qene me fat. Te jetosh ne Tirane ka nje kosto dhe puna eshte e domosdoshme. Jam shume e kenaqur nga puna qe bej". Tani Big Brotherin e ndjek sepse i duhet edhe per shkrimet ne gazete dhe nje nga rubrikat qe Adela do te mbuloje eshte ajo e banoreve te shtepise. Te jetes se tyre ne shtepine e famshme por edhe te jetes qe kane patur perpara, te familjareve etj. E te mendosh qe Adela ishte ajo banore e nje reality qe u shkruajt me teper edhe pa dale nga "shtepia". Faqe te tera mbushen shtypin mbi jeten e saj perpara, mbi familjaret e saj etj etj. Ndaj eshte interesante ta pyesesh Adelen sesi do te jete ajo ne rreshtat e gazetes per "viktimat" e radhes. "Do jem shume realiste sepse e kam kaluar vete mbi kurrizin tim dhe e di se cfare do te thote te lexosh nga gazetat gjera te paverteta. Une jam lenduar shume dhe atehere dhe e kam ndjere qe media abuzoi shume me mua, ndaj dhe jam e sigurt qe nga ana ime do te perpiqem te mos lendoj. Por mos te harrojme qe puna eshte pune"- thote Adela duke qeshur. Me Kavajen i ka nderprere krejtesisht lidhjet qe kur prinderit e saj dhe vellai I vogel jane transferuar te jetojne ne Itali ne nje vend afer lokalitetit ku banonte Bjordi. E duket se jane sistemuar e ndjere mire atje sepse nuk mendojne per kthimin aq me teper qe vellai tashme po ndjek shkollen e mesme. "E kam menduar shpesh te shkoj te shkolla ku kam dhene mesim edhe pse tashme nxenesit nuk jane me ata qe kam patur une se u bene disa vjet por me merr malli per koleget me te cilat ende ruaj kontaktet. Bjordi sapo ka perfunduar se xhiruari nje film ne Itali per te cilin nuk jep shume detaje derisa te perfundoje montazhi dhe filmi te dale ne drite. "E kam patur gjithnje deshire te behem aktor dhe duke intepretuar ne kete film mendoj se realizova nje deshiren time te kahershme. Nuk e di si kam interpretuar, thote Bjordi kur e pyesim por te shohim sesi do pritet kur te dale e si do te reagoje publiku. E natyrisht nuk eshte se qe\ me rolin e pare do te marr cmimin Oscar",- perfundon duke qeshur. Ai momentalisht eshte ne Itali per pak kohe sa te fillojne pergatitjet per programin Fan Club ne Vizion plus, ku ai eshte bashke moderator me Adelen. "Aty i kemi gjerat e ndara, tregon ai. Adela interviston meshkujt e une femrat. Te dy ndihemi me rehat keshtu e nuk fillojme te "zihemi" se cilin do te intervistoje kush, si bejme ne shtepi per te bere punet". Edhe Bjordi kerkon nje pune qe mos te jete sezonale dhe te gjeje nje siguri te vazhdueshme. Qysh prej daljes nga BB2 ai eshte shkeputur nga e ema e vet e ka jetuar me Adelen. Nderkohe qe zonja Antoneta, te cilen e mbaj mend si nje personazh gjate neteve te spektaklit jeton midis Italise dhe Tiranes, ku per disa kohe u mor edhe me nje biznes restoranti diku nga zona e Saukut.